കുമരകം : കേരള ഉത്തരവാദിത്ത ടൂറിസം മിഷൻ സൊസൈറ്റിയുടെ നേതൃത്വത്തിൽ നടപ്പാക്കിവരുന്ന സ്ത്രീസൗഹാർദ്ദ വിനോദസഞ്ചാര പ്രവർത്തനങ്ങളുടെ ഭാഗമായി ഇനി യാത്രകളിൽ പ്ലാസ്റ്റിക് വേണ്ട എന്ന ആശയവും പ്രകൃതി സംരക്ഷണ പ്രവർത്തനങ്ങളുടെ സന്ദേശവും ഉയർത്തിയും ലോക പരിസ്ഥിതി ദിനം ആചരിച്ചു. വിനോദസഞ്ചാര വകുപ്പ് ജില്ലാ ഓഫീസ് പരിസരത്ത് വച്ച് നടന്ന ചടങ്ങിൽ കുമരകം ഗ്രാമപഞ്ചായത്ത് പ്രസിഡണ്ടും സ്ത്രീസൗഹാർദ്ദ വിനോദസഞ്ചാര പ്രവർത്തനങ്ങളുടെ റിസോഴ്സ് പേഴ്സണുമായ ധന്യ സാബു വൃക്ഷതൈ നട്ടു കൊണ്ട് ഉദ്ഘാടനം ചെയ്തു. ചടങ്ങിൽ ടൂറിസം ഡെപ്യൂട്ടി ഡയറക്ടർ കെ.കെ പത്മകുമാർ, ഉത്തരവാദിത്ത ടൂറിസം ജില്ല കോഡിനേറ്റർ ഭഗത് സിംഗ്,സ്ത്രീ സൗഹാർദ്ദ വിനോദസഞ്ചാര പദ്ധതിയുടെ സംസ്ഥാനതല റിസോഴ്സ് പേഴ്സണും ഗ്രാസ് റൂട്ട് ജേർണി എന്ന ടൂർ കമ്പനിയുടെ സ്ഥാപക അമ്പിളി സോമൻ തുടങ്ങിയവർ പങ്കെടുത്തു.
