കോട്ടയം : ഓണത്തിന് വില്പന നടത്തുവാനായി അന്യ സംസ്ഥാനത്ത് നിന്നും എത്തിച്ച ഒന്നേകാൽ കിലോ കഞ്ചാവുമായി വെള്ളുത്തുരുത്തി സ്വദേശി അനിൽ കുമാർ (58 ) നെ കോട്ടയം എക്സൈസ് സ്പെഷ്യൽ സ്ക്വാഡ് സർക്കിൾ ഇൻ സ്പെക്ടർ ടോണി ജോസിന്റെ നേതൃത്വത്തിലുള്ള സംഘം അറസ്റ്റ് ചെയ്തു. ഇയാളിൽ നിന്നും ഒന്നേകാൽ കിലോ കഞ്ചാവ് പിടിച്ചെടുത്തു. വെള്ളുത്തുരുത്തിയിൽ ഇയാൾ താമസിക്കുന്ന വീടിന്റെ അലമാരയുടെ രഹസ്യ അറയിൽ വില്പനയ്ക്കായി സൂക്ഷിച്ച നിലയിലായിരുന്നു കഞ്ചാവ് . ഓണം സ്പെഷ്യൽ ഡ്രൈവിന്റെ ഭാഗമായി എക്സൈസ് നടത്തിയ വ്യാപക തിരച്ചിലിലാണ് പ്രതി പിടിയിലായത് . ഇയാൾ കസ്റ്റഡിയിലായിട്ടും കഞ്ചാവ് വാങ്ങുവാൻ പലരും ഇയാളുടെ ഫോണിലേക്ക് വിളിക്കുന്നു ണ്ടായിരുന്നു. പ്രതിയുടെ പേരിൽ വിഗ്രഹമോഷണമടക്കം നിരവധി കേസുകൾ കോട്ടയത്തെവിവിധ പോലീസ് സ്റ്റേഷനുകളിൽ നിലവിലുണ്ട്. നാട്ടുകാർ നൽകിയ പരാതിയെ തുടർന്നായിരുന്നു എക്സൈസ് നടപടി. റെയ്ഡിൽ എക്സൈസ് ഇൻസ്പെക്ടർ പി.ജി. രാജേഷ് , അസിസ്റ്റന്റ് എക്സൈസ് ഇൻസ്പെക്ടർമാരായ കെ.ആർ. ബിനോദ് , എസ്. രാജേഷ് , എം.നൗഷാദ് , പ്രിവന്റീവ് ഓഫീസർ നിഫി ജേക്കബ് , അരുൺ മോഹൻ സിവിൽ എക്സൈസ് ഓഫീസർമാരായ കെ. സുനിൽകുമാർ , വി. വിനോദ് കുമാർ , അജു ജോസഫ് വനിത സിവിൽ എക്സൈസ് ഓഫീസർ കെ വി .സബിത എന്നിവർ പങ്കെടുത്തു
