കുമരകം : ഏറ്റുമാനൂർ ബ്ലോക്ക് ക്ഷീര വികസന യൂണിറ്റിൻ്റേയും, അട്ടിപ്പീടിക ക്ഷീര സഹകരണ സംഘത്തിൻ്റേയും സംയുക്താഭിമുഖ്യത്തിൽ നാളെ (ശനിയാഴ്ച) രാവിലെ 10.30 ന് അട്ടിപ്പീടിക ക്ഷീര സഹകരണ സംഘത്തിൽവെച്ച് ക്ഷീര കർഷക സമ്പർക്ക പരിപാടി നടത്തും. ക്ഷീരമേഖലയുമായി ബന്ധപ്പെട്ട വിവിധ വിഷയങ്ങളിൽ ക്ലാസ്സുകൾ നടക്കും. സംഘം പ്രസിഡൻ്റ് കെ.എസ് സലിമോൻ്റെ അദ്ധ്യക്ഷതയിൽ നടക്കുന്ന ചടങ്ങ് ബ്ലോക്ക് പഞ്ചായത്തംഗം മേഘലാ ജോസഫ് ഉദ്ഘാടനം ചെയ്യും. പഞ്ചായത്ത് അംഗം ഷിമാ രാജേഷ്, ഭരണസമിതി അംഗങ്ങൾ തുടങ്ങിയവർ സംസാരിക്കും. ശുദ്ധമായ പാൽ ഉല്പാദനം, ദേശീയ ഗ്രാമീണ തൊഴിലുറപ്പു പദ്ധതിയും ക്ഷീരമേഖലയും, ജോയിൻ്റ് ലേബർ ഗ്രൂപ്പ് രൂപീകരണം (ജെ.എൽ.ജി), പദ്ധതി വിശദീകരണം എന്നീ വിഷയങ്ങളിൽ വിവിധ ക്ലാസ്സുകൾ നടക്കും. പരിപാടിയിൽ എല്ലാ ക്ഷീരകർഷകരേയും ക്ഷണിയ്ക്കുന്നതായി ബ്ലോക്ക് ക്ഷീര വികസന ആഫീസർ രാജി എസ് മണി അറിയിച്ചു.
