കുമരകം : വേമ്പനാട്ടുകായലിൽ വല നീട്ടിയതിന് ശേഷം മടങ്ങിവന്ന് വീടിൻ്റെ സമീപെത്തെ കടവിൽ ബന്ധിച്ചിരുന്ന വള്ളം യമഹാ എൻജിൻ ഘടിപ്പിച്ച വള്ളം ഇടിച്ചു തകർത്തതായി പരാതി. കുമരകം പഞ്ചായത്ത് ഒമ്പതാം വാർഡിൽ കൊഞ്ചുമട പാലത്തിന് സമീപത്തെ വേണാട്ടു തുരുത്തിൽച്ചിറ ബാബുവിൻ്റെ വള്ളമാണ് കേടുവരുത്തിയത്. വള്ളത്തിൻ്റെ മുൻവശത്തെ പലക ഇളകിമാറിയതോടെ വള്ളം ഉപയോഗശൂന്യമായി. അട്ടിപ്പീടിക ഭാഗത്തു നിന്നു വരുന്ന മറ്റു മത്സ്യതൊഴിലാളികളുടെ വള്ളത്തിൻ്റെ അമിത വേഗതയാണ് സംഭവത്തിന് പിന്നിലെന്നാണ് ബാബു പറയുന്നത്. യമഹാ എൻജിൻ കാെണ്ട് വള്ളം പ്രവർത്തിപ്പിക്കുന്നതിനാലാണ് അമിത വേഗം. വള്ളത്തിന് കേടുപാടുകൾ സംഭവിച്ചതിനാൽ മത്സ്യബന്ധനത്തിന് പാേകാൻ കഴിയാതെ ബുദ്ധിമുട്ടുകയാണ് ബാബുവും കുടുംബവും. ശക്തമായ ഓളത്തിൽ കരിങ്കൽക്കെട്ടിൽ വള്ളം ഇടിച്ചാണ് തകരുന്നത്. മറ്റു മത്സ്യ താെഴിലാളികളുടെ അമിത വേഗതയാണ് വള്ളത്തിൻ്റെ നാശത്തിന് കാരണം. ഇതിന് മുമ്പും ഇതുപാേലെ തൻ്റെ വള്ളം നശിപ്പിച്ചിട്ടുണ്ടെന്നും, അത് കട്ടകുത്തുകാരായിരുന്നെന്നും ബാബു പറഞ്ഞു. പല തവണ വള്ളങ്ങൾ വേഗത കുറച്ച് പാേകണമെന്നാവശ്യപ്പെട്ടിട്ടും മനപ്പൂർവം എന്ന പാേലെയാണ് വള്ളക്കാരുടെ യാത്രയെന്നാണ് ബാബുവിൻ്റെ ആരാേപണം.
